Складаныя выклікі патрабуюць крэатыўных рашэнняў. Важна ствараць такія ініцыятывы, якія будуць імкнуцца да дасягнення сваёй мэты максімальна эфектыўна, выкарыстоўваючы ўсе даступныя магчымасці.
Таму мы хочам стварыць умовы, у якіх спецыялісты і спецыялісткі з ІТ-сферы і праваабаронцы змаглі б папрацаваць разам над пошукам такіх рашэнняў.
9-10 снежня ў Вільні мы ладзім хакатон Humanize! Чакаем людзей з IT, праваабароны, актывізму, дызайну, проджект-мэнэджменту і ўсіх зацікаўленых людзей з розных сфер.
Падацца на ўдзел у хакатоне можна як у якасці ўдзельніка ці ўдзельніцы, і папрацаваць над цікавым праектам, так і ў якасці ментара ці ментаркі, і дапамагчы з рэалізацыяй праектаў. Цягам двух дзён удзельнікі і ўдзельніцы будуць працаваць над пошукам інавацыйных рашэнняў сацыяльных праблем, а напрыканцы пітчыць свае ідэі перад журы.
►► Каманда, якая заняла 1-е месца, атрымае 1000 еўра на рэалізацыю праекта.
► Каманды, якія зоймуць 2-е і 3-е месца атрымаюць карысныя падарункі.
Усе тры каманды атрымаюць дадатковае ментарства на працягу месяца пасля Хакатона.
- Калі: 9-10 снежня 2023
- Дзе: Вільня
- Фармат: афлайн
Мы не аплочваем праезд і пражыванне для іншагародніх удзельнікаў. Для каманд пад час хакатона будзе арганізавана харчаванне.
Далучайся, каб ствараць разам нешта неверагоднае!